कल्याण-अंबरनाथ बससेवा सुरू

आमदार पवारांची आश्‍वासनपूर्तीचा एक अध्याय
कल्याण / गणेश पोखरकर
कल्याण ते अंबरनाथ केडीएमटी बस सेवा सुरु करीत आमदार तथा भाजपा प्रदेश सचिव नरेंद्र पवार यांनी अंबरनाथ नगरपालिका निवडणुकीत प्रचारा दरम्यान नागरीकांना दिलेल्या आश्‍वासनाची पूर्ती केली. मंगळवार, दि. २३ जुन रोजी सकाळी ९ वाजता कल्याण पश्चिम स्टेशन परिसरातून या बस सेवेचा शुभारंभ आमदार नरेंद्र पवार यांच्या हस्ते श्रीफळ फोडून आणि फीत कापून करण्यात आला. यावेळी कल्याण डोंबिवली महापालिकेच्या महापौर कल्याणी पाटील, भाजपा  शिक्षक आमदार रामनाथ मोते, भाजपा आमदार रविंद्र चव्हाण, आमदार ज्योती कलानी  आणि परिवहन सभापती नितीन पाटील आदी मान्यवर उपस्थित होते.
यावेळी कल्याण – अंबरनाथ आणि कल्याण – बदलापूर यामार्गावरील केडीएमटी बस सेवा सुरु करण्यात आली.