नवी मुंबई : नवी मुंबईतील ऐरोलीतून बेपत्ता झालेल्या आठ वर्षांच्या फ्रान्सिला वाझ हिचा मृतदेह आज सकाळी ठाण्यातील घोडबंदर रोड परिसरात सापडल्याने खळबळ उडाली आहे. कौटुंबिक वादातून फ्रान्सिलाच्या काकाने (मावशीचा नवरा) गळा दाबून तिची हत्या केल्याचे सांगण्यात येते. याप्रकरणी पोलिसांनी आरोपीला अटक केली आहे.
फ्रान्सिला ही सोमवारी सायंकाळी साडेसहाच्या सुमारास शाळेच्या बसमधून ऐरोलीतील सेक्टर ८ मधील त्यांच्या सोसायटीजवळ उतरली. मात्र, ती घरी पोहचलीच नाही. फ्रान्लिलाल घरी यायला बराच उशीर झाल्याने काळजीत पडलेल्या आईनं तिचा शोध घ्यायला सुरुवात केली. शाळेत व ओळखी-पाळखीच्या लोकाकडं विचारणा केली. पण कुठंही शोध लागला नाही. त्यानंतर फ्रान्सिलाच्या आईने स्कूलबस चालकाकडे चौकशी केली. तेव्हा फ्रान्सिलाला घराच्या गेटजवळ सोडल्याचं त्यानं सांगितलं.
फ्रान्सिलाला कोणीतरी लाल रंगाच्या कारमधून घेऊन गेल्याचं शेजारील एका मुलानं त्यांना सांगितलं. त्यामुळे घाबरलेल्या फ्रान्सिलाच्या आईने तात्काळ रबाळे पोलीस ठाण्यात तक्रार केली. पोलिसांनी चौकशी सुरू केली. तपासादरम्यान पोलिसांना मुलीचा काका काका क्लॅरेन्सवर संशय आला. त्यानुसार काल रात्री त्याला चौकशीसाठी ताब्यात घेण्यात आले. चौकशीत त्याने फ्रान्सिलाची हत्या करून तिचा मृतदेह घोडबंदर रोड परिसरात टाकल्याची कबुली दिली.
काकाने केली भाचीची गळा दाबून हत्या
